भारतले कोरोना भाइरस विरुद्धको खोप अर्को वर्षको जुनसम्म ल्याउने दाबी

काठमाण्डौ, ८ काीत्तक । भारतमा कोरोना भाइरस विरुद्धको खोप बनाइरहेको कम्पनीले अर्को वर्षको जुन महिनासम्ममा खोप बजारमा ल्याउने दाबी गरेको छ ।

इन्डियन काउन्सिल अफ मेडिकल रिसर्चको नेशनल इन्स्टिच्यूट अफ भाइरोलोजीसँग मिलेर बनाइरहेको कोरोना भाइरस विरुद्धको खोप बनाइरहेको कम्पनी भारत बायोटेकले आउँदो वर्षको जुन महिनासम्ममा खोप उपलब्ध गराउने बताएको हो । कम्पनीका शीर्ष अधिकारीले भारत सरकारले आपत्कालिन अनुमति दिएर पहिले नै खोपको उद्घाटन नगरे जुन महिनासम्ममा उपलब्ध गराउने बताएका भारतीय संचार माध्यमले जनाएका छन् ।

भारत बायोटेकले देशको १२ देखि १५ राज्यका २० हजार स्वयंसेवकमा कोरोना भाइरस विरुद्धको खोपको परीक्षण गर्ने बताएको खबरमा उल्लेख छ । कोरोना भाइरसको संक्रमित धेरै भएको देशको सूचीमा भारत, दोस्रो स्थानमा छ । भारतमा अहिलेसम्म ७८ लाख १४ हजारमा कोरोना पुष्टि भएकोमा ७० लाख १६ हजार निको भएका छन् । १ लाख १७ हजारको भने ज्यान गएको छ ।

भारतमा आज मात्रै एक हजारभन्दा धेरैमा संक्रमण पुष्टि भएको छ ।

सम्बन्धित समाचार

मकवानपुरमा ट्याङ्करले मोटरसाइकललाई ठक्कर दिँदा एक जनाको मृत्यु

इजरायलमा बन्दुकधारीले आक्रमण गर्दा सात जनाको मृत्यु

अबको तीन दिन मौसम सफा रहने

चैत १७ हुने एसईई परीक्षाको तालिका सार्वजनिक (सूचीसहित)