ठूला लगानी र विकासकर्ताका प्रतिनिधिहरूसँग प्रधानमन्त्रीको छलफल

काठमाडौं । प्रधानमन्त्री पुष्पकमल दाहाल प्रचण्डले ठूला लगानी र विकासकर्ताका प्रतिनिधिहरूसँग लगानी बोर्डसँग जोडिएका आयोजना निर्माण, आउँदो कार्यदिशा र समस्याको विषयमा छलफल गरेका छन् ।

शुक्रवार लगानी बोर्डको कार्यलयमा नेपालका विभिन्न ठूला आयोजनामा लगानी गर्ने ठूला लगानी र विकासकर्ताका प्रतिनिधिहरूसँग लगानी बोर्ड जोडिएका आयोजना निर्माण, आउँदो कार्यदिशा र समस्याको विषयमा प्रधानमन्त्रीले छलफल गरेका बोर्डका कार्यकारी अधिकृत सुशील भट्टले जानकारी दिए । उनले लगानी बोर्डसँग विभिन्न निर्माण चरण भएका परियोजना र झन्डै तीन खर्ब रुपैयाँ बराबरका आयोजनाका विकासकर्ताका प्रतिनिधि र अध्ययन चरणमा रहेका आयोजना विकासकर्ताका प्रतिनिधिहरूसँग छलफल गरेको बताए ।

बोर्डका कार्यकारी अधिकृत भट्टले लगानी बोर्डले स्वीकृतका लागि पाइपलाइनमा रहेका ठूला जलविद्युत् आयोजना नतिजामुखी कार्यान्वयन ढाँचामा आबद्ध भइसकेको बताए । उनले ९ सय मेगावाटको अरुण, तीन हजार ६ सय ७० मेगावाटको तल्लो अरुण, ३ सय ७० मेगावाटको अर्धजलाशययुक्त अपर मर्स्याङ्दी र अन्य औधोगिक पूर्वाधार आयोजनाहरू पाइपलाइनमा रहेको बताए । यी आयोजनाहरूलाई बोर्डले प्राथमिकता दिएर नतिजाउन्मुख काम गर्ने उनको भनाइ छ ।

भट्टले विश्वको अर्थतन्त्रको अवस्थालाई हेरेर आयोजना छनोटमा सजक हुन आवश्यक रहेको बताए । उनले लगानी बोर्ड आउँदो लगानी सम्मेलनको पूर्वतयारीमा जुटेको बताए ।

सम्बन्धित समाचार

बर्दियामा बस र मोटरसाइकल ठोकिँदा एक जनाको मृत्यु

सर्लाहीमा मोटरसाइकल दुर्घटना हुँदा दुई जनाको मृत्यु

१७ करोड रुपैयाँको कोकिनसहित २ भारतीय महिला पक्राउ

जनयुद्ध दिवस विरुद्दको रिट दर्ता गर्न आदेश