कर्णालीमा कोरोना संक्रमित एक हजार नाघे, १५१ जना निको भए

सुर्खेत, १ असार । कर्णाली प्रदेशमा कोरोना सङ्क्रमितको सङ्ख्या एक हजार नाघेको छ । सोमबार मात्रै नयाँ ११० जना सङ्क्रमित थपिएपछि कर्णालीमा कुल सङ्क्रमितको सङ्ख्या एक हजार ७७ पुगेको छ ।

सुर्खेतस्थित प्रदेश अस्पताल, पशुपन्छी रोग अन्वेषण प्रयोगशालामा गरिएको परीक्षणमा १०७ जना र जुम्लास्थित कर्णाली स्वास्थ्य विज्ञान प्रतिष्ठानमा गरिएको परीक्षणमा तीन जना थप भएपछि कुल सङ्क्रमितको सङ्ख्या एक हजार ७७ पुगेको हो ।

सामाजिक विकास मन्त्रालयले सोमबार जारी गरेको सूचना अनुसार दैलेखमा ९१ जना र सुर्खेतमा १९ जना थपिएका छन् । मन्त्रालयको स्वास्थ्य सेवा महाशाखा प्रमुख डा. लक्ष्मीनारायण तिवारीले सङ्क्रमित सबै स्वास्थ्यकर्मीको सम्पर्कमा रहेको जानकारी दिए ।
नयाँ थप भएपछि सबैभन्दा धेरै दैलेखमा पुगेको छ । मन्त्रालयको तथ्याङ्क अनुसार दैलेखमा ६२९ पुगेको छभने सुर्खेतमा २३१ पुगेको छ ।

त्यस्तै सल्यानमा १३७, कालीकोटमा २८, जुम्लामा २४, जाजरकोटमा आठ, मुगुमा दुई, हुम्ला र डोल्पामा एकरएक जना सङ्क्रमित फेला परेका छन् । रुकुम पश्चिममा भने अहिलेसम्म सङ्क्रमित फेला परेको छैन । अरु १६ जना अन्य प्रदेशका रहेका छन् । कुल सङ्क्रमितमध्ये पुरुषको सङ्ख्या ९९८ र महिलाको सङ्ख्या ७९ जना रहेका छन् ।

१५१ जना निको भएर फर्किए

सोमबारसम्म कर्णाली प्रदेशमा कोरोनाको उपचारबाट निको भएर जानेको सङ्ख्या १५१ पुगेको छ । कालीकोट अस्पतालबाट २५ जना, प्रदेश अस्पतालबाट २३ जना, लेकबेसी आइसोलेसन सेन्टर सुर्खेतबाट नौ जना गरी कूल ५७ जना नयाँ सङ्क्रमित निको भएर घर फर्किका छन् । योसहित अहिलेसम्म कुल १५१ जना घर फर्किएको मन्त्रालयले जनाएको छ । यस्तै कोरोना सङ्क्रमणबाट तीन जनाको मृत्यु भएको छ ।

सम्बन्धित समाचार

वसन्तयाममा हिमाल चढ्नका लागि अनुमति लिने क्रम सुरु

पर्सामा चितुवाको आक्रमणबाट प्रहरीसहित ती जना घाइते

आजदेखि चैते दशैंको नवरात्र सुरु

लुम्बिनी प्रदेशसभाका स्वतन्त्र सांसद सुरुल पुन माओवादी केन्द्रमै फर्किए