Techie IT
×
गृहपृष्ठसाहित्यआफ्नो इच्छाबिना बुबाले गर्भवती बन्न रोक लगाएको ब्रिटनीको खुलाशा

आफ्नो इच्छाबिना बुबाले गर्भवती बन्न रोक लगाएको ब्रिटनीको खुलाशा


लस एन्जल्स । झन्डै १३ वर्षको मौनतापछि गायिका ब्रिटनी स्पियर्स पुनः चर्चामा आएकी छिन् । केही दिनयता यी बेलायती गायिका विश्व मिडियाको हेडलाइनमा छिन् ।

उनले यसपटक चाहिँ आफ्ना बुबाको संरक्षणबाट मुक्ति चाहेको बताएकी छिन् । बुबाको कारण आफ्नो जीवन तहसनहस भएको र आफू डिप्रेसनमा पुगेको भन्दै ब्रिट्नी अदालतमा आफूले बाबुको संरक्षणबाट अन्त्य चाहेको बताएकी छिन् ।

अदालतसामु भर्चुअल बयान दिँदै ब्रिटनीले आफूले जतिसक्दो चाँडो बुबाको संरक्षणबाट मुक्ति चाहेको उल्लेख गर्दै विहे गरेर आफू आमा बन्न चाहेको समेत उल्लेख गरेकी छिन् । न्यायाधीशसामु ब्रिट्नीले आफू डिप्रेसनमा गैसकेको र कुनै दासको जस्तो महसुस गरेको बताएकी छिन् । आफ्नो भविष्य, रुचि र चाहनामा बुबाले नियन्त्रण गरेको बताउँदै ब्रिट्नीले आफ्नो इच्छाबिना गर्भवती बन्न रोक्न दबाब दिएको उनले बताएकी छिन् ।

‘मेरो इच्छाबिना मलाई पिल्स चक्की र औषधि प्रयोग गर्न दबाब दिइयो’ उनले भनिन् ‘कुनै मूल्यांकनबिनै म यो नियम अन्त्य भएको चाहन्छु । म मेरो जीवन चाहन्छु । यसले मेरो जीवनलाई हानी पुर्‍याएको छ ।’ लस(एन्जल्सको उच्च अदालतकी न्यायाधीश ब्रेन्डा पेनीसँग ब्रिट्नीले यस्तो बयान दिएकी हुन् ।

सन् २००८ मा ब्रिट्नीले आफ्नै शरिरलाई असर पार्ने र पापाराजीलाई आक्रमण गर्नेजस्ता व्यवहार प्रदर्शन गरेपछि उनलाई पुनस्र्थापना केन्द्र लगिएको थियो । रिहाबबाट फर्किएपनि निको नभएको भन्दै उनका बुबाले उनको संरक्षणको जिम्मा लिएका थिए ।


क्याटेगोरी : साहित्य
ट्याग : #britney spears


तपाईको प्रतिक्रिया दिनुहोस