Techie IT
×
गृहपृष्ठअन्तर्राष्ट्रिय‘मिस अर्थ’ मा नेपालकी सुन्दरी सरिशा श्रेष्ठको बलियो दाबेदारी

‘मिस अर्थ’ मा नेपालकी सुन्दरी सरिशा श्रेष्ठको बलियो दाबेदारी


काठमाडौं । संसारकै प्रतिष्ठितमध्येको सुन्दरी प्रतियोगिता ‘मिस अर्थ’ फिलिपिन्सको राजधानी मनिलामा आयोजना भइरहेको छ ।

प्रतियोगितामा भाग लिन दुई दर्जन सुन्दरी मनिलामा भेला भएका छन् । नोभेम्बर २९ मा हुने फिनालेका लागि सुन्दरीहरु यतिबेला सब टाइटलका लागि प्रतिस्पर्धा गरिरहेका छन् ।

नेपालबाट मिस नेपाल अर्थ सरिशा श्रेष्ठले प्रतिनिधित्व गरिरहेकी छिन् र फिलिपिनो मिडियाका अनुसार सरिशाको सम्भावना बलियो छ । मेडिकल डाक्टर समेत रहेकी सरिशाको इको भिडियोले चर्चा बटुलिरहेको छ ।

मंगलबार बेलुका सबै प्रतियोगीलाई फिलिपिनो मिडियाको सामुन्ने प्रस्तुत गरियो, जहाँ उनीहरुको परिचयदेखि प्रतिभालाई चिनारी दिलाइयो । स्थानीय मिडियासामु नेपालको प्रस्तुति आकर्षक रहेको द हिडन ट्रेजरले जनाएको छ ।

यस्तै, मिस इन्टरनेसनल र मिस वल्र्डको तयारीमा पनि सुन्दरीहरु जुटेका छन् । मिस इन्टरनेसनलमा भाग लिन न्यान्सी खड्का नोभेम्बर अन्त्यतिर टोकियो प्रस्थान गर्दैछिन् । मिस नेपाल प्रियंकारानी जोशी मिस वर्ल्डको तयारीमा जुटेकी छिन् । यस वर्षको मिस वल्र्ड प्रतियोगिता एसियामै हुने सम्भावना छ ।


क्याटेगोरी : अन्तर्राष्ट्रिय, प्रवास, मनोरञ्जन
ट्याग : #miss earth, #model, #sarisha shrestha

तपाईको प्रतिक्रिया दिनुहोस