सम्झौतामा ढिलाइ हुँदा ट्रम्पले कार्यकारी आदेश प्रयोग गरी ल्याए कोभिड–१९ राहत प्याकेज

काठमाडौ । अमेरिकी राष्ट्रपति डोनाल्ड ट्रम्पले राष्ट्रपतिले प्रयोग गर्न पाउने अधिकारको प्रयोग गरी कोभिड–१९ महामारी राहत प्याकेज ल्याएका छन ।

सदनमा रहेका सत्तापक्ष र प्रतिपक्षबी यससम्बन्धी सम्झौता हुन ढिलाइ भइरहेको देखेर ट्रम्पले यो राहत प्याकेज ल्याएका हुन ।

ट्रम्पले यसको खुलासा न्युजर्सी गोल्फ क्लबमा आयोजित एक प्रेस सम्मेलनमा गरे । वर्षमा १ लाख भन्दा कम आम्दानी हुने अमेरिकीहरूको तलब भुक्तानीमा लाग्ने कर ‘पेरोल ट्याक्स’ कटौती गर्ने आदेश पहिलो छ ।

दोस्रो आदेश कामबाट निकाल्न नपाउने आदेश हो । तेस्रो बेराजगारलाई एक साताका लागि ४ सय अमेरिकी डलर बराबरको बेरोजगार सुविधा प्राप्त हुनेछ ।

साथै ट्रम्पले विद्यार्थी ऋण भुक्तानीमा कठिनाइ हुँदा लाग्ने ब्याज अनिश्चितकालसम्मका लागि मिनहा गरिने बताए ।

दुई सातादेखि सदनका दुई पार्टीबीच सहमति जुटन ढिलाइ भएपछि ट्रम्पले यो राहत प्याकेज लिएर आएका हुन । यसअघि ट्रम्पले डेमोक्रेट्ले राहत प्याकेजलाई बन्धक बनाउन खोजेको आरोप लगाएका थिए ।

अमेरिकामा कोरोनाभाइरसबाट १लाख ६० हजार मानिसको मृत्यु भइसकेको छ भने धेरै उद्योग बन्द भइ राज्यहरू लकडाउनमा रहेका छन

सम्बन्धित समाचार

रुसी विज्ञको नजरमा शताब्दीमा नभएको परिवतन भइरहेको सीको भनाइको बुझाइ

अमेरिकी सेना जर्मनीबाट फिर्ता जानुपर्ने जर्मन सांसदको माग

अमेरिकामा टोर्नाडो आँधीमा परी कम्तिमा २१ जनाको मृत्यु

भाजपा नेता राजु झाको गोली हानी हत्या