Techie IT
×
गृहपृष्ठअन्तर्राष्ट्रियइन्डो प्यासिफिक विवाद चीन अमेरिकाले समाधान गर्नु पर्ने अस्ट्रेलियाको आग्रह

इन्डो प्यासिफिक विवाद चीन अमेरिकाले समाधान गर्नु पर्ने अस्ट्रेलियाको आग्रह


काठमाडौ । इन्डो प्यासिफिक विवादलाई अन्तर्राष्ट्रिय कानुनको सम्मान गरी चीन र अमेरिका दुबैले विशेष जिम्मेवारी लिएर शान्तिपूर्ण समाधान गर्नुपर्ने अस्ट्रेलियाका प्रधानमन्त्री स्कट मोरिसनले बताएका छन् ।

इन्डो प्यासिफिक गठबन्धन निर्माण गर्नु अस्ट्रेलियाको महत्वपूर्ण प्राथमिक विषय भएको बताउँदै प्रधानमन्त्री मोरिसनले यस्तो बताएका हुन ।

यस क्षेत्रमा भइरहेको सैनिकीकरण प्रति चिन्ता व्यक्त गर्दै समान दृष्टिकोण भएका बीच इन्डो प्यासिफिक गठबन्धन निर्माण गर्नु अस्ट्रेलियाको आवश्यकता भएको उनले जनाए ।

रणनीतिक रूपमा अहिले इन्डो प्यासिफक क्षेत्र केन्द्र भएको र यसले तनाव बढदै गएको उनले द एस्पेन सेक्युरिटी फोरममा सम्बोधन गर्दै बुधबार बताए ।

गत महिना अस्ट्रेलियाले रक्षामा चालीस प्रतिशत खर्च आगामी दस वर्षसममका लागि बढाउने जनाएको थियो ।

त्यो खर्च इन्डो प्यासिफिक क्षेत्रलाई ध्यान दिएर गरिनेछ । यस क्षेत्रमा चीन र अस्ट्रेलियाले प्रभाव जमाउने प्रतिस्पर्धामा रहेको देखिएको छ ।


क्याटेगोरी : अन्तर्राष्ट्रिय
ट्याग : #breaking


तपाईको प्रतिक्रिया दिनुहोस