ट्रम्पले बेरूत विस्प्फोटनलाई प्राणघाती बम आक्रमण भने

काठमाडौ । अमेरिकी राष्ट्रपति डोनाल्ड ट्रम्पले बेरूतमा भएको बिस्फोटनलाई प्राणघाती बम आक्रमण भनेका छन् ।

बेरूतका अधिकारीहरूले यो एक रासायनिक दुर्घटना भएको बताइरहेका बेला ट्रम्पले यो दुर्घटनाबस भएको कुनै रासायनिक बिस्फोटन नभए आक्रमण भएको अमेरिकी सैनिकहरूको बुझाइ रहेको बताएका छन् ।

लेबनानको राजधानीमा रहेको एक वेयरहाउसमा बिस्फोटन हुँदा कम्तीमा ७० जनको मृत्यु भएको छ । सोही घटनामा हजारौं घाइते भएका छन् ।

यो बिस्फोटन कसरी भएको किन भएको ठोस यकिन हुन बाँकी रहेको छ । तर ट्रम्पले संवाददाताहरूलाई यो कुनै बम बिस्फोटन भएको बताए ।

इजरायली सेना र हेजबोल्लाह लडाकु समूह दुबैले यो बिस्फोटनमा आफ्नो संलग्नता नभएको जनाएका छन् । लेबनानी अधिकारीहरूले पनि इजरायली रकेट आक्रमणको सम्भावनालाई इन्कार गरेका छन् ।

इजरायली सुरक्षा निर्देशनालयका प्रमुख अब्बास इब्राहिमले यो घटना रासायनिक बिस्फोटन जस्तो देखिएको बताएका छन् ।

सम्बन्धित समाचार

रुसी विज्ञको नजरमा शताब्दीमा नभएको परिवतन भइरहेको सीको भनाइको बुझाइ

अमेरिकी सेना जर्मनीबाट फिर्ता जानुपर्ने जर्मन सांसदको माग

अमेरिकामा टोर्नाडो आँधीमा परी कम्तिमा २१ जनाको मृत्यु

भाजपा नेता राजु झाको गोली हानी हत्या