काला सागरमा अमेरिकी जासुसी विमान एकै सातामा तेस्रो पटक समातिए

काठमाडौ । गर्मीको महिनामा पर्यटकका लागि पर्यटकहरूको आकर्षक केन्द बनिआएको काला सागर वा द ब्ल्याक सीमा यो पटक अमेरिकी जासुसी विमान एक सातामै तेस्रो पटक रूसी सेनाको रडारमा समातिएको छ ।

अमेरिकाको जासुसी विमान पी–८ए पोसिडनलाई रूसको सु–२७ले काला सागरमा पछ्याएको थियो ।रूसको विमानले रडारमा देखेपछि अमेरिकी जासुसी विमानलाई पछ्याउन थालेको हो ।

रडारले आकाशमा कुनै वस्तुलाई देखेपछि सु–२७ले त्यसलाई सुरक्षित दुरीमा रहेर पछयाएको र त्यो पी–८ए पोसिडन रहेको पत्ता लगाएको रूसी रक्षामन्त्रालयले एक विज्ञप्ति जारी गरी जनाएको छ ।

अमेरिकी जासुसी विमानले बाटो फेरे पछि सु–२७ पुनः आफ्नो शिविरमा फर्केको थियो । सोमबार अघि यो विमान बिहीबार र शुक्रबार पनि काला सागरको आकाशमा फेला परेको थियो ।

हालका वर्षमा काला सागरमा अमेरिकी जासुसी विमान प्रायः जसो देखिन थालेको हो ।

सम्बन्धित समाचार

रुसी विज्ञको नजरमा शताब्दीमा नभएको परिवतन भइरहेको सीको भनाइको बुझाइ

अमेरिकी सेना जर्मनीबाट फिर्ता जानुपर्ने जर्मन सांसदको माग

अमेरिकामा टोर्नाडो आँधीमा परी कम्तिमा २१ जनाको मृत्यु

भाजपा नेता राजु झाको गोली हानी हत्या