भारतमा एकैदिन ५० हजार कोरोना संक्रमित फेला परे

काठमाडौं : भारतमा कोरोना भाइरस संक्रमित संख्या दिनहुँ वृद्धि भइरहेको छ ।  त्यहाँको केन्द्रीय स्वास्थ्य तथा परिवार कल्याण मन्त्रालयले सोमबार दिएको जानकारी अनुसार पछिल्लो २४ घण्टामा मात्रै ४९ हजार ९३१ जना कोरोना भाइरस संक्रमित फेला परेका छन् । कुल संक्रमित संख्या १४ लाख ३५ हजार ४५३ जनापुगेको छ । अहिलेसम्म ९ लाख १७ हजार ५६८ जना संक्रमणमुक्त भइसकेका छन् ।

त्यसैगरी, पछिल्लो २४ घण्टामा ७०८ जनाको मृत्यु भएको छ । योसँगै कुल मृतकको संख्या ३२ हजार ७७१ जना पुगेको अधिकारीले जनाएका छन् । प्रदेश अनुसार हेर्दा सबैभन्दा धेरै महाराष्ट्र राज्यमा ३ लाख ७५ हजार ७९९ जना संक्रमित भएका छन् । त्यसैगरी, तमिलनाडुमा २ लाख १३ हजार ७२३ जना र दिल्ली राज्यमा १ लाख ३० हजार ६०६ जना संक्रमित फेला परेका छन् ।

सम्बन्धित समाचार

रुसी विज्ञको नजरमा शताब्दीमा नभएको परिवतन भइरहेको सीको भनाइको बुझाइ

अमेरिकी सेना जर्मनीबाट फिर्ता जानुपर्ने जर्मन सांसदको माग

अमेरिकामा टोर्नाडो आँधीमा परी कम्तिमा २१ जनाको मृत्यु

भाजपा नेता राजु झाको गोली हानी हत्या