कारोनालाई ‘हेपेका’ ट्रम्पले अन्ततः मास्क लगाए

कठमाण्डौ, २८ असार । कोरोनालाई ‘चीनियाँ भाइरस’ र अमेरिका लक डाउन गर्नका लागि बनेको होइन भन्दै अभिब्यक्ति दिने अमेरिकी राष्ट्रपति डोनाल्ड ट्रम्पले सार्वजनिक स्थलमा पहिलोपटक मास्क लगाएका छन् ।

घाइते सिपाही तथा स्वास्थ्यकर्मीहरुको उपचार भइरहेको वाल्टर रिड सैन्य अस्पताल पुग्दा ट्रम्पले मास्क लगाएका हुन् । मास्क लगाएपछि उनको फेरि चर्चा सुरु भएको छ ।

उनी पहिलेदेखि नै मास्क लगाउने विषयलाई लिएर विवादमा आएका थिए । उनले आफ्ना डेमोक्र्याटिक प्रतिद्वन्दी नेता जो बिडेनले मास्क लगाएको बारेमा समेत ठट्टा गरेका थिए ।

तर शनिबार सैन्य अस्पताल पुग्दा भने उनी कालो मास्कमा देखिएका थिए । ह्वाइट हाउसबाट अस्पतालतिर जाने क्रममा उनले आफू कहिल्यै पनि मास्कको विरोधमा नभएको र हरेक कुराको निश्चित समय र स्थान हुने बताएका थिए । शनिबार उनले मास्क बारेमा सधैंको भन्दा फरक अभिव्यक्ति दिए । उनले भनेका छन्, ‘मलाई लाग्छ, जब तपाईं अस्पताल अथवा कुनै निश्चित क्षेत्रमा धेरै मानिससँग कुरा गर्नुहुन्छ भने त्यो समयमा मास्क लगाउनु निकै जरुरी हुन्छ ।’

सम्बन्धित समाचार

रुसी विज्ञको नजरमा शताब्दीमा नभएको परिवतन भइरहेको सीको भनाइको बुझाइ

अमेरिकी सेना जर्मनीबाट फिर्ता जानुपर्ने जर्मन सांसदको माग

अमेरिकामा टोर्नाडो आँधीमा परी कम्तिमा २१ जनाको मृत्यु

भाजपा नेता राजु झाको गोली हानी हत्या