Techie IT
×
गृहपृष्ठअन्तर्राष्ट्रियइराक युद्धमा अमेरिकी सेना पठाउने कानुन भंग गर्ने विधेयकमाथि अमेरिकी संसदमा मतदान

इराक युद्धमा अमेरिकी सेना पठाउने कानुन भंग गर्ने विधेयकमाथि अमेरिकी संसदमा मतदान


काठमाडौ ।अमेरिकाको प्रतिनिधि सभाका सदस्यहरूले सन् २००३मा इराकमाथि आक्रमण गर्न र तत्कालीन शासक सद्दाम हुसेनलाई अपदस्त गर्ने गरी सन् २००२मा बनाइएको कानुन खारेज गर्ने विषयमा मतदान गर्ने भएका छन् ।

इराक आक्रमणका लागि अथराइजेसन फर युस अफ मिलिटरी फोर्स अगेन्स्ट इराकलाई समाप्त पार्न बिहीबार अमेरिकी सदनमा मतदान हुने भएको छ ।

सिनेटमा बहुमत दलका नेता चुक स्कुमरले सिनेटलाई यो कानुन खारेज गर्न सहयोगको अपिल गरेका छन् ।

बुधबार उनले यो कानुनको अब सन् २०२१मा आवश्यकता रहेको बताएका थिए । साथै उनले यसमा समर्थन दिनु भनेको अमेरिकाले इश्लामिक इस्टेट विरूद्धको लडाइँ अमेरिकाले छोडको अर्थ नलाग्ने बताएका थिए ।

यो कानुनले अमेरिकालाई ११ सेप्टेम्बर २००१मा अमेरिकाको वल्र्ड ट्रेड सेन्टर र पेन्टागनमा गरिएको आक्रमण पछि शत्रु विरूद्धको आक्रमण गर्न अनुमति दिएको थियो ।

सांसदहरूले यो प्रस्तवको पक्षमा मतदान गर्ने बताइसकेका छन् ।

इराक विरूद्धको युद्धमा सहभागी भएका अमेरिकी सेना हाल रिपब्लिक पार्टीका सांसद पिटर मिजरले यो विधेयकको पक्षमा मतदान गर्ने बताएका छन् ।

अन्य रिपब्लिकन सांसदहरूले यो विधेयकको विपक्षमा मतदान गर्ने जनाएका छन् ।

दुवै सदनबाट यो विधेयक पारित गर्नुपर्ने हुन्छ । सिनेटमा ६० मत आवश्यक हुने छ ।


क्याटेगोरी : अन्तर्राष्ट्रिय
ट्याग : #hot


तपाईको प्रतिक्रिया दिनुहोस