Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठअन्तर्राष्ट्रियभेनेजुएलाले बनाएको साइड इफेक्ट नहुने शतप्रतिशत कोभिड हटाउने औषधिलाई प्रमाणिकताका लागि डब्लुएचओमा पठाउने

भेनेजुएलाले बनाएको साइड इफेक्ट नहुने शतप्रतिशत कोभिड हटाउने औषधिलाई प्रमाणिकताका लागि डब्लुएचओमा पठाउने


काठमाडौ । भेनेजुएली वैज्ञानिकहरूले कुनै साइड इफेक्ट नहुने शतप्रतिशत कोभिड हटाउने एक उच्च असरदार भाइरस प्रतिरोधी ‘एन्टीभाइरल’ औषधि तयार पारेका छन ।

भेनेजुएली राष्ट्रपति निकोलस मदुरोले यो औषधिको प्रमाणिकताका लागि डब्लुएचओमा पठाइने बताएका छन ।

“ भेनेजुएलाले विकास गरेको सो उच्च असरदार एन्टीभाइरल औषधिले कोरोनाभाइरसलाई शतप्रतिशत मार्छ ” औषधिबारे जानकारी दिँदै मदुरोले भने । भेनेजुएलान इन्स्टिच्युट फर साइन्टिफिक रिसर्च(आइभिआइसी)ले तयार पारेको हो । यो औषधिले विगत ६ महिना देखि भाइरस मार्ने काम गरिरहेको उनले जनाए ।

यो औषधि टिआर–१० भनिएको अणुकणबाट बनाइएको छ । जब यसलाई छुट्टयाएर भाइरस विरूद्ध प्रयोग गरियो यसले ठोस असर गरेको मदुरोले दाबी गरे ।

मदुरोले यो अध्ययनको विज्ञ तथा वैज्ञानिकहरूद्वारा पुनरावलोकन गरिसकिएको छ । अब यसलाई डब्लुएचओबाट चाहिने प्रमाणिकताका लागि प्रस्तुत गरिने छ ।

मदुरोले भनेजुएलाले यो उपचार विश्वलाई दिने तयारी गरिरहेको र भेनेजुएलाले मानवताका लागि गरेको यो महान योगदानका लागि वैज्ञानिकहरूलाई बधाइ दिए । यो औषधिको ठूलो परिमाण उत्पादन गर्न अन्तर्राष्ट्रिय गठबन्धनको सहयोग लिइने उनले जनाए ।

भेनेजुएली वैज्ञानिक प्रतिष्ठानले यो नयाँ औषधि पूर्णरूपमा सुरक्षित रहेको दाबी गरेको छ ।भेनेजुएली कोरोना संक्रमितबाट लिइएको भाइरस कोषमाथि यो अध्ययन गरिएको थियो । अणुकण अरसोलिक एसिडबाट निकालिएको छ ।

यो महिनाको शुरूमा भेनेजुएला रूसमा बनेको स्पुतनिक भी कोभिड–१९को भ्याक्सिन लिने पहिलो देश बनेको थियो । अगसटमा रूसले यो भ्याक्सिन दर्ता गरेको पहिलो देश बनेको थियो ।


क्याटेगोरी : अन्तर्राष्ट्रिय, विज्ञान, समाचार, स्वास्थ्य
ट्याग : #breaking, #hot

तपाईको प्रतिक्रिया दिनुहोस


error: Content is protected !!