Techie IT
×
गृहपृष्ठअन्तर्राष्ट्रियठूला टेक्नलजि कम्पनीबाट ट्रम्प विरोधी विज्ञापनका लागि १० करोड अमेरिकी डलर जुटाइयो

ठूला टेक्नलजि कम्पनीबाट ट्रम्प विरोधी विज्ञापनका लागि १० करोड अमेरिकी डलर जुटाइयो


काठमाडौ । सन् २०२०को अमेरिकी राष्ट्रपति निर्वाचनको १५ दिन पनि बाँकी नरहेको बेला अमेरिकाको सिलिकन भ्यालीका शहंशाहहरूले अमेरिकी राष्ट्रपति राष्ट्रपति डोनाल्ड ट्रम्पका प्रतिस्पर्धी डेमोक्रेटिक उम्मेदवारलाई सहयोग गर्न टेलिभिजन विज्ञापन अभियान सञ्चालन गर्ने तयारी गरिरहेका छन ।

उनीहरूले यसका लागि १० करोड अमेरिकी डलर बराबरको रकम संकलन गरेका छन । यसमा कम्तीमा फेसबुकका एक संस्थापक डस्टिन मोस्कोभित्सको तर्फबाट कम्तीमा २ करोड २० लाख अमेरिकी डलर बराबरको दान प्राप्त भएको एक विशेष समाचारमा उल्लेख छ ।

डेमोक्रेटिक उम्मेदवार जो बाइडनको चुनाव प्रचारका अन्य महान दाताहरूमा गुगल र अल्फाबेटका पूर्व कार्यकारी तथा हाल अमेरिका रक्षामन्त्रालयको प्रवधि नवपर्वतनलाई सल्लाह दिइरहेका एरिक स्मिद रहेका छन ।

फ्युचर फरवार्ड नाम दिइएको सुपर प्याकले मंगलबार दर्ता गराएको संघीय कागजातमा सेप्टेम्बर १ देखि अक्टोबर १५सम्म ६ करोड ६०लाख अमेरिकी डलर बराबरको रकम संकलन गरिसकेको उल्लेख छ ।

सेप्टेम्बर २९ देखि नोभेम्बर ३सम्म्का लागि टेलिभिजन विज्ञापन सम्झौता गरेका छन । यो विज्ञापन सम्झतौ १० करोड ६० लाख अमेरिकी डलर बराबरको रहेको छ ।

डेमोक्रेटिक पार्टी बाहिरको यो अभियानले बाइडनलाई सहयोग गर्ने अपेक्षा गरिएको छ । मार्क जुकरबर्गका पूर्व व्यापारिक साझेदार मोस्कोभित्सले आस्ना नामको सफ्टवेयर कम्पनी सन् २००८मा स्थापना गरेका थिए ।

फ्युचर फरवार्ड नामक संस्था रेइड हफम्यानको अगुवाइमा रहेको छ । गुगलका स्मिदले हिलारी क्लिन्टनलाई यसअघि समर्थन गरेका थिए । मोस्कोभित्सले पनि क्लिन्टको अभियानमा २ करोड अमेरिकी डलरको सहयोग गरेका थिए ।

ठूला टेक्नलजिक कम्पनीका प्रमुख कार्यकारीहरूले मात्रै होइन सेन्टर फर रिसपन्सिभ पोलिटिक्सले चलाउने ओपन सेक्रेट अर्गनाइजेशनले जनाए अनुसार अमेजन, अल्फाबेट, फेसबुक र माइक्रोसफ्टका कामदारहरूले डेमोक्रेटस उम्मेदावरका लागि डेढ करोड अमेरिकी डलर र रिपब्लिकन पार्टी उम्मेदवारका लागि ३० लाख अमेरिकी डलर दान दिएको जुनमा खुलाएको थियो । यो दान अनुपातले रिपब्लिकन पार्टीका नेताहरूलाई समाजिक सञ्जाल प्लेटफर्मले सेन्सरसिपको हल्ला फिजाउन बाध्य पारेको थियो ।


क्याटेगोरी : अन्तर्राष्ट्रिय, अर्थ, राजनीति
ट्याग : #breaking, #hot