Techie IT
×
जम्मा संक्रमित (नेपाल)
निको भएको
मृत्यु
जम्मा संक्रमित (विश्व)
गृहपृष्ठप्रदेशकोटेश्वरको किराना पसल सञ्चालकमा कोरोना पुष्टि, असर्फी टोल ‘सिल’

कोटेश्वरको किराना पसल सञ्चालकमा कोरोना पुष्टि, असर्फी टोल ‘सिल’


काठमाडौं, २६ साउन । महानगरपालिका–३२ कोटेश्वरस्थित असर्फी टोलमा कोरोनाभाइरस संक्रमित बढेपछि उक्त टोल ‘सिल’ गरिएको छ।

साउन १८ गते किराना पसल सञ्चालक चार जनामा कोरोना पुष्टि भएपछि आसपासका घरमा बस्नेको स्वाब संकलन गरी पिसिआर परीक्षण गर्दा थप १३ जनामा कोरोना देखिएको हो।

वडा सदस्य हिरादेवी पोखरेलले दिएको जानकारीअनुसार आइतबार १३ जनामा कोरोना पुष्टि भएकामध्ये १० जनालाई कीर्तिपुर र टेकुस्थित अस्पतालमा आइसोलेसनमा राखिएको छ। तीन जनालाई भने उनीहरूकै घरमा राखिएको हो ।
‘वडाको पहलमा एक सय ४० जनाको स्वाब संकलन गरी पिसिआर परीक्षणका लागि पठाइएकोमा अहिलेसम्म १३ जनामा कोरोना पुष्टि भएको छ,’ पोखरेलले भनिन्, ‘रिपोर्ट आउन बाँकी नै छ। संक्रमित बढ्ने देखिन्छ। थप नफैलियोस् भनेर एउटा गल्ली पूर्ण रूपमा सिल गरेका छौं। अरू गल्लीमा पनि आवागमन नगर्न भनेका छौं।’

कोरोना देखिएका अधिकांश मानिस कोठा भाडामा लिएर बस्नेहरू हुन्। उनीहरूमध्ये कतिपय मजदुरी गर्छन्। सुरूमा किराना पसल सञ्चालकमा कोरोना देखिएको थियो। उक्त पसलमा सामान किन्न आउनेहरूलाई परीक्षण गर्दा थप कोरोना संक्रमित भेटिएका हुन्,’ उनले भनिन् ।


क्याटेगोरी : प्रदेश, बाग्मती प्रदेश, समाचार, स्वास्थ्य
ट्याग : #Corona

तपाईको प्रतिक्रिया दिनुहोस


सम्बन्धित समाचार