थप १०९ जनामा कोरोना संक्रमण पुष्टि

काठमाडौं, १० साउन। पछिल्लो २४ घण्टामा थप १०९ जनामा कोरोना भाइरस (कोभिड–१९) को संक्रमण पुष्टि भएको छ । देशभरका प्रयोगशालाबाट कूल ४ हजार ७५ नमुना परीक्षण गर्दा १०९ जनालाई कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए ।

यससँगै नेपालमा हालसम्म कुल १८ हजार ४८३ जना संक्रमित भएका छन् भने उनीहरुमध्ये ४५ जनाको मृत्यु भएको छ साथै १३ हजार ५३ जना निको भएका छन् ।

आज यि ठाउँमा थपिए संक्रमितः

डोटीमा १३, सुर्खेत र सप्तरीमा ११/११ जना, पर्सामा ८, कपिलवस्तु र जाजरकोटमा ६/६ जना र दाङमा ५ जनामा कोरोना संक्रमण पुष्टि भएको छ ।

यस्तै रौतहट, नवलपुर, पाल्पा र डडेलधुरामा ४/४ जना, बारा, गुल्मी, कालीकोट, दैलेख र बैचडीमा ३/३ जना, काठमाडौं, बाँके, बर्दिया, अछाम र मुगुमा २/२ जना तथा झापा, खोटाङ, सर्लाही, चितवन, मकवानपुर, ललितपुर, अछाम, तनहुँ र हुम्लामा एकएक जना कोरोना संक्रमित थपिएका मन्त्रालयका प्रवक्ता डा. जागेश्वर गौतमले नियमित प्रेस सम्मेलनमा बताएका हुन् ।

सम्बन्धित समाचार

थप ८८८ जनामा कोरोना संक्रमण पुष्टि, एक जनाको निधन

कोरोना सङ्क्रमणबाट थप दुई जनाको मृत्यु

रुसले औषधिमाथि लगाएको प्रतिबन्ध मानवता विरुद्धको अपराध रहेको युक्रेनको टिप्पणी

भदौ ५ गतेदेखि ५० जिल्लाका बालबालिकालक्षित खोप अभियान