काठमाण्डौं, २५ कात्तिक । काठमाण्डौको रत्नपार्कमा रहेको शान्तिबाटिकामा २०औँ ‘काग सम्मेलन’ गरिएको छ ।
यमपञ्चकको पहिलो दिन काग तिहारका अवसरमा रत्नापार्कमा रहेको शान्तिबाटिकामा आज बिहान काग बोलाएर २०औँ काग सम्मेलन गरिएको हो ।
सम्मेलनमा कलाकार रमेश दुलालले कागको स्वर निकालेर कागलाई एकै ठाउँमा जम्मा पारेका थिए । दुलालले कागको स्वर निकालेर बोर्लापछि कागहरु उनको आवाज भएको ठाउँसम्म आएका थिए । दुलालले झन्डै १९ वर्षदेखि काग तिहारका अवसरमा काग सम्मेलन गर्दै आएका छन् ।
काग तिहारको दिनमा यमराजको सन्देश वाहकको रुपमा कागलाई सम्मानकासाथ पूजाआजा गरेर खानेकुरा दिने चलन रहेको छ । काग तिहारमा कागलाई मीठामीठा खानेकुरा दिएमा राम्रो समाचार लगिदिने विश्वास गरिन्छ ।
धेरै पढिएका
तपाईको प्रतिक्रिया दिनुहोस