Techie IT
×
गृहपृष्ठमनोरञ्जननेपाल म्युजिक एण्ड फेशन अवार्ड २०२२ सम्पन्न : गीत संगीत तर्फ ४१ विधा र फेशन तर्फ ८ विधामा अवार्ड प्रदान

नेपाल म्युजिक एण्ड फेशन अवार्ड २०२२ सम्पन्न : गीत संगीत तर्फ ४१ विधा र फेशन तर्फ ८ विधामा अवार्ड प्रदान


काठमाडौं ९ असार। नेपाल म्युजिक एण्ड फेशन अवार्ड २०२२ काठमाडौंमा सम्पन्न भएको छ । गीत संगीत तर्फ ४१ विधामा र फेशन तर्फ ८ विधामा अवार्ड प्रदान गर्दै  अवार्ड सम्पन्न भएको हो ।

तेश्रो संस्करणको नेपाल म्युजिक एण्ड फेशन अवार्ड २०२२ मा यो वर्षको सर्वोउत्कृष्ट आधुनिक गीत गायकको अवार्ड यश कुमारले तिम्रो मन बदलीएछ गीतबाट जिते भने गायिकाको अवार्ड कमला रिसालले आमाको काखै प्यारो गीबाट चुम्नुभयो । धनबीर गीतबाट अन्जु पन्तले वर्षको पपुलर गायिका र धनबीर गीतबाटै बी पाण्डेले सर्वोत्कृष्ट गीतकारको अवार्ड चुम्नुभयो । महिला गीतकारको अवार्ड यस्तो मायाँबाट निशा अर्यालले, संगीतकारको अवार्ड बलेको आगोबाट सुनिल राईले हाँसिल गर्नुभयो ।

आधुनिक बिधामै आधुनिक गायकको अवार्ड राजकुमार सिंह र गीतकारको अवार्ड प्रकाश योञ्जनले हाँसिल गर्नुभयो । यस्तै आधुनिक गीत म्युजिक भिडियो तर्फ सर्वोत्कृष्ट पुरुष मोडलको अवार्ड जोगी बनायौबाट रमेश थापा, महिला मोडलको अवार्ड तिम्रो आकर्षणबाट प्रतीक्षा काफ्लेले, म्युजिक भिडियो निर्देशकको अवार्ड एकै नजरमाबाट केशब राज भट्टले, कोरियोग्राफरको अवार्ड झिमिक झिमिकबाट संदीप भुजेलले र भिडियो निर्देशकनै डायस्पोराको अवार्ड प्रभु गुरुङले प्राप्त गर्नुभयो ।

वर्षको सर्वाधिक लोकप्रिय गीतको अवार्ड टाढा भए पनि गीतबाट अस्मिता अधिकारीले, वर्षकै लोकप्रिय पुरुष मोडलको अवार्ड तातो गोली २ बाट निश्चल बस्नेतले र वर्षकै लोकप्रिय महिला मोडलको अवार्ड टाढा भए पनिबाट मल्लिका महतले चुम्नुभयो । वर्षको सर्वोत्कृष्ट युगल मोडलको अवार्ड खुसी साटौं गीतबाट सविन श्रेष्ठ र अनु शाहले जित्नुभयो ।

अवार्ड समारोहमा सर्वोत्कृष्ट लोक दोहोरी गीत भिडियो निर्देशकको अवार्ड बरको हाँगोबाट निरेन श्रेष्ठ, भिडियो निर्देशनमै जुरी अवार्ड दीपेन्द्र तिमल्सिनाले, सर्वोत्कृष्ट लोक दोहोरी गीत भिडियो नृत्य निर्देशकको अवार्ड चिया पकाउबाट सुवास बुढाथोकीले हाँसिल गर्नुभयो ।

सर्वोत्कृष्ट राष्ट्रिय गीतको अवार्ड गायक पूर्ण बहादुर राईले हाम्रो साझा हिमाल गीतबाट, सर्वोत्कृष्ट गजल गायनको अवार्ड तिम्रो यादबाट सानु बाबु महर्जनले र गजलमा जुरी अवार्ड अँधेरीमाबाट सुवर्ण कुमार श्रेष्ठले चुम्नुभयो ।

यस्तै पप तर्फ सर्वोत्कृष्ट गीतकारको अवार्ड मुना तिमीबाट विश्व गौंडेलले सर्वोत्कृष्ट गायकको अवार्ड सासबाट अंकित श्रेष्ठले, गायनमै जुरी अवार्ड मन त यो हरामीबाट चिरञ्जिबी भण्डारीले र पब्लिक च्वाईस अवार्ड मेरी डल्लीबाट नविन पौडलले, गायिकाको अवार्ड मन बुढो भएनबाट बेनिशा पौडलले, संगीतकारको अवार्ड सरोज प्याकुरेलले, महिला गीतकारको अवार्ड प्रतिमा गुरुङले हाँसिल गर्नुभयो ।

यस्तै पप तर्फ नै भिडियो पुरुष मोडलको अवार्ड ओ मेरोबाट प्रकाश श्रेष्ठले, जुरी अवार्ड तिम्रो नाममाबाट रन्जित सिन्जाली मगरले, पप गीत महिला मोडलको अवार्ड पागल बन्दैछुबाट मेलिन गुरुङले, आधुनिक पप गीत महिला मोडलको अवार्ड म तिमै हुँबाट साक्षी लम्सालले, पप गीत भिडियो निर्देशकको अवार्ड पागल बन्दैछुबाट लक्षु गौतमले, पपगीत कोरियोग्राफरको अवार्ड पूर्व देखिबाट कृष्ण रसालले र नव मोडलको अवार्ड विकाश विश्वकर्माले जित्नुभयो । यस्तै मौलिक गीतको अवार्ड गदरसा (थारु लोक) गीतबाट निकिता बिकले हाँसिल गर्नुभयो ।

यस्तै लोक गीत विधातर्फ सर्वोत्कृष्ट गायनमा असारै मास गीतबाट अलिफ खानले म्युजिक भिडियो तर्फ पुरुष मोडलको अवार्ड जाला जोवनबाट सागर लम्साल (बले), महिला मोडलमा चर्को घामबाट सञ्चिता शाहीले, भिडियो निर्देशनमा कोल्की हाम्रो गाउँबाट उमेश गुरुङले, म्युजिक भिडियो कोरियोग्राफरको अवार्ड साली ज्यूबाट जोगेन्द्र केसीले र सर्वोत्कृष्ट लोक पप गीत महिला मोडलको अवार्ड घरमा आईस्यो गीतबाट सृष्टी खड्काले हाँसिल गर्नुभयो ।

यस्तै लोक दोहोरी विधातर्फ सर्वोत्कृष्ट लोक दोहोरी गीत गायकको अवार्ड मुख छोपी रुनबाट कृष्ण कँडेलले, गायिकाको अवार्ड करिमैको दोषबाट चन्दा अर्यालले, संगीतकारको अवार्ड हजुर मुसुक्कैबाट शुरेश अधिकारीले जिते । यस्तै लोक दोहोरी गीत म्युजिक भिडियो तर्फ सर्वोत्कृष्ट पुरुष मोडलको अवार्ड भुरुरु उडेर चरीबाट कृष्ण सापकोटाले, पुरुष मोडलकै जुरी अवार्ड जीत बहादुर रावतले, महिला मोडलको अवार्ड साया भण्डारीले, लोक दोहोरी गीत भिडियो सम्पादकको अवार्ड राजकुमार मगरले प्राप्त गर्नुभयो ।

यस्तै भाषाभाषी तर्फ तामाङ भाषाको गीतको अवार्ड माथि माथिबाट राज शुक्र लिम्बुले, थारु भाषाको प्रतिस्पर्धामा गीतकार, संगीतकार र गायक गरी तीन वटै अवार्ड सखिया होबाट राजेन्द्र शर्माले चुम्भयो । नेपाल भाषा तर्फ गीतकारको अवार्ड बुलु बुलबाट उत्तम मानन्धरले, सर्वोत्कृष्ट संगीतकारको अवार्ड बुलु बुलुबाटै जुगल डँगोलले र गायकको अवार्ड नुग ः या मिखाबाट सानु बाबु महर्जनले जित्नुभयो ।

कार्यक्रमको जुरीमा बरिष्ट गायक सिताराम पोखरेल, गीतकार डब्बु क्षत्री, संगीतकार दीपक शर्मा, राजेन्द्र बजगाईं, गायक कृष्ण भट्टराई, संगीतकार शँकर थापा ‘स्माईल’ र ध्वानी सम्पादक मनोज परियार हुनुभयो ।

कार्यक्रममा पूर्व उपराष्ट्रपति परमानन्द झाले गीत सँगीत तथा फेशन क्षेत्रका श्रष्टालाई अवार्ड प्रदान गर्दै उनीहरुलाई आफ्नो क्षेत्रमा लाग्न आफुले अझ हौसला बढाएको बताउनुभएको थियो । स्टार वन इन्टरटेनमेन्ट र विलक्षण क्रियसनद्धारा आयोजित समारोहमा सो अवार्डको उदेश्यबारे कार्यक्रम निर्देशक बालकृष्ण पोखरेल र प्रवन्ध निर्देशक सरिता भारतीले प्रकाश पार्नुभएको थियो ।

यस्तै फेशन तर्फ पेजेन्ट कोरियोग्राफरको अवार्ड अश्विनी कान्त झाले, बेस्ट मेकअप आर्टिस्ट (मेल) अवार्ड टेकराज पान्डेले, मेकअप आर्टिस्ट (फिमेल) अवार्ड जमुना पुनले, बेस्ट फेशन मोडल (मेल)को अवार्ड रणधिर शाहले, पिजेन्ट डिरेक्टर (मेल) अवार्ड निशुकान्त झाले, पिजेन्ट डिरेक्टर (फिमेल) अवार्ड प्रतिमा कार्कीले र इभेन्ट म्यानेजमेन्ट कम्पनी अफ द इयर अवार्ड रिबन इन्टरटेनेमन्टले हाँसिल गर्नुभयो ।


क्याटेगोरी : मनोरञ्जन


तपाईको प्रतिक्रिया दिनुहोस