Techie IT
  • २०८१ वैशाख ६, बिहीबार

शेयर बजारमा दोहोरो अंकले गिरावट, कारोबारमा पनि गिरावट


काठमाडौं । साताको अन्तिम कारोबार दिन शेयरबजारमा दोहोरो अंकको गिरावट आएको छ । शेयरबजार परिसूचक नेप्से आज १४.४६ अंक अर्थात ०.६९ प्रतिशतले घटेर २ हजार ६२.०३ बिन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.९९ प्रतिशतले घटेर ३६८.५६ विन्दुमा पुगेको छ । यो दिन नेप्सेमा सूचीकृत मध्ये ३०५ वटा कम्पनीको १ करोड १४ लाख ७ हजार २६४ कित्ता सेयर ३ अर्ब ८६ करोड ९१ लाख रुपैयाँभन्दा बढीको कारोबार भएको  छ । हिजो बजार ४ अर्ब २५ करोड बढीको कारोबार भएको थियो ।  

बजारमा शेयरको सप्लाई पनि बढी भएका कारण बजार घट्न पुगेको विश्लेषकले बताएका छन् ।  

यो दिन नेप्सेमा सूचीकृत १३ वटा समूहमध्ये उत्पादन तथा प्रशोधन समूह मात्रै बढ्यो भने अन्य सबै समूहमा रातो पोतिएको छ । उत्पादन तथा प्रशोधन समूह ०.१५ प्रतिशतले बढ्यो ।  

आज सबैभन्दा धेरै गिरावट वित्त समूहमा देखियो । यो समूह २.७१ प्रतिशतले घटेको आज बेंक समूह ०.५७,विकास बैंक १.४०,होटल ०.६३,हाईड्रो ०.३०,लगानी ०.५८,जीवन बीमा ०.६८,लघुवित्त ०.४७,म्युचुअल फण्ड ०.७८,निर्जीवन बीमा ०.७३,अन्य १.६२ र व्यापार समूह ०.९० प्रतिशतले घटे ।  

 



तपाईको प्रतिक्रिया दिनुहोस



Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट